Óðurinn um kærleikann

Þótt ég talaði tungum manna og engla, en hefði ekki kærleika, væri ég hljómandi málmur eða hvellandi bjalla. Og þótt ég hefði spádómsgáfu og vissi alla leyndardóma og ætti alla þekking, og þótt ég hefði svo takmarkalausa trú, að færa mætti fjöll úr stað, en hefði ekki kærleika, væri ég ekki neitt. Og þótt ég deildi út öllum eigum mínum, og þótt ég framseldi líkama minn, til þess að verða brenndur, en hefði ekki kærleika, væri ég engu bættari. Kærleikurinn er langlyndur, hann er góðviljaður. Kærleikurinn öfundar ekki. Kærleikurinn er ekki raupsamur, hreykir sér ekki upp. Hann hegðar sér ekki ósæmilega, leitar ekki síns eigin, hann reiðist ekki, er ekki langrækinn. Hann gleðst ekki yfir óréttvísinni, en samgleðst sannleikanum. Hann breiðir yfir allt, trúir öllu, vonar allt, umber allt. Kærleikurinn fellur aldrei úr gildi. En spádómsgáfur, þær munu líða undir lok, og tungur, þær munu þagna, og þekking, hún mun líða undir lok. Því að þekking vor er í molum og spádómur vor er í molum. En þegar hið fullkomna kemur, þá líður það undir lok, sem er í molum. Þegar ég var barn, talaði ég eins og barn, hugsaði eins og barn og ályktaði eins og barn. En þegar ég var orðinn fulltíða maður, lagði ég niður barnaskapinn. Nú sjáum vér svo sem í skuggsjá, í ráðgátu, en þá munum vér sjá augliti til auglitis. Nú er þekking mín í molum, en þá mun ég gjörþekkja, eins og ég er sjálfur gjörþekktur orðinn. En nú varir trú, von og kærleikur, þetta þrennt, en þeirra er kærleikurinn mestur (Kor.1.1-13)

 

 

Kærleikurinn

Ó, tryggum það afl, sem í baráttu ei brást,

sem byggist á sannleikans trú vorri og ást.

sem fyrirmynd höfum við frelsarans þátt

sem fegursta dæmið um kærleikans mátt.

 

Hvað er kærleikur  ?

Kærleikur er, hvert góðverk sem þú vinnur.

Kærleikur, er hvert bros sem þú gefur.

Kærleikur, er að faðma þann sem grætur.

Kærleikur, er að hugga þann sem syrgir.

Kærleikur, er að gefa þeim sem þarfnast.

Kærleikur, er umhyggja fyrir öllu sem lifir.

Kærleikur, er að biðja fyrir öllum, góðum sem slæmum.

Kærleikur, er að lifa sáttur við sjálfan sig og aðra.

Kærleikur, er að dæma ekki.

Kærleikur, er ljósið sem býr í hjarta þínu.
 

Einmannaleiki og tilfinningin fyrir að verahafnað er sárasta fátæktin sem til er.

( MÓÐIR THERESA )

Því meir sem við elskum okkur sjálf og meðtökum lífið umhverfis okkur með kærleika, opnum huga og af ölluhjarta, þess fegurra verður allt umhverfi okkar.

Svo lengi sem lítil börn eru látin þjást, ríkir enginnkærleikur í heiminum.

( ISADORA DUNCAN  )

Uppspretta kærleikans er í dýpstu fylgsnum vorum og viðgetum hjálpað öðrum að njóta hans. Eitt orð, ein gjörðeða ein hugsun getur dregið úr þjáningum manns ogfært honum fögnuð. Kærleikur er val, hvorki einfalt eða nauðsynlegt, heldur fremur vilji til að vera í nánd annarraán tilgerðar eða fláttskapar.

( CARTER HAYWARD )

Hvenær mun okkur endanlega skiljast að við erum öll skyld hvert öðru, að við erum öll hlutar sömu eindar? Þar til andi kærleikans til náungans, án tillits til kynþáttar, litar eða trúar, gagntekur veröldina, gefur lífi okkar og athöfnum gildi, og við  myndum bræðralag,  þar til hin mikla mergð fólks fyllist ábyrgðartilfinningu hvert til annars, mun félagslegu réttlæti aldrei verða náð.

( HELEN KELLER  )

 Vertu vingjarnlegur, allir sem þú mætir heyja harða baráttu.

( JOHN WATSON )

Það sem þú átt í vasanum er ekki mikilsvert, eingöngu það sem þú átt í hjarta þínu.

( BERNADIN KARDINÁLI )

Barátta móður fyrir barni sínu , við sjúkdóma, við örbirgð, við stríð, við alls kyns misnotkun og harðýðgi er niðurlægir mannlífið - verður að verða sameiginleg barátta allra, háð í kærleika og af ástríðu þeirra er vilja komast af.

( ADRIENNE RICH )

Í hinni kærkomnu umhyggju, í myrkri nætur, í vetrarhríð, á meðal hinna klæðalausu og útskúfuðu skaltu leita kærleikans.

( WILLIAM BLAKE  )

Lækning alls ills og ranginda, áhyggna, harma og glæpa mannkynsins, leynist í einu orði:  ,KÆRLEIKUR". Það er hinn guðlegi máttur sem skapar og endurnýjar líf. Ef við óskum eftir mætti til að vinna kraftaverk munum við geta það fyrir fulltingi hans.

( LYDIA M. CHILD )

Kærleikur er eitthvað sem þú og ég verðum að eiga. Við verðum að eiga hann vegna þess að andi vor nærist á honum. Við verðum að eiga hann vegna þess að án hans verðum við máttlítil og veikburða. Sjálfstraust okkar þverr án kærleika. Djörfung okkar hverfur. Við getum ekki horft  í trúfesti til heimsins. Við hverfum inn á við og förum að nærast á eigin eðlisþáttum, og smám saman eyðum  við  honum sjálf. Full kærleika erum við skapandi. Full kærleikahöldum við óþreytandi árfam. Full kærleika og eingöngu í krafti hans getum við fórnað okkur fyrir aðra.

( DAN GEORGE, INDÍÁNAHÖFÐINGI )

Kærleikurinn er ávallt skapandi, aldrei eyðandi. Í honum felst eina von mannsins.

( LEO BUSCAGLIA )