Jóhann Svarfdælingur
 
Jóhann Kristinn Pétursson, Svarfdælingur. Stærsti Íslendingur sem uppi hefur verið. Jóhann var fæddur 9. febrúar 1913, þriðji í aldursröð níu systkina. Við fæðingu vó hann 18 merkur. Jóhann Svarfdælingur, en svo var hann ætíð nefndur, var kunnastur fyrir hæð sína. Var hann hæsti Íslendingur sem sögur fara af, og var um tíma talinn hæsti maður í heimi, og mældist 2,34 metrar á hæð og vó þá 163 kg. Þar sem Jóhanni gekk erfiðlega að fá atvinnu hér heima, við sitt hæfi, varð hann að leita fyrir sér á á erlendri grund. Árið 1935 ári eftir Dalvíkurskjálftann, þá 22 ára gamall, fór hann til Danmerkur og starfaði á Norðurlöndum, og hafði atvinnu af því að sýna sig í fjölleikahúsum. Ferðaðist hann víða um heim, og kom meðal annars fram á heimssýningunni í París 1937. Þegar Heimsstyrjöldin síðari skall á 1939, lokaðist Jóhann inni í Kaupmannahöfn og var þar öll stríðsárin. 1945 kom hann heim til Íslands og ferðaðist vítt og breitt um landið og sýndi kvikmyndir. Aftur hvarf Jóhann að sínu fyrra líferni og nú vestur um haf til Bandaríkjanna 1948 og var þar óslitið til ársins 1982, er hann flutti til Íslands. Heimkominn til Dalvíkur varð hann íbúi Dalbæjar, Dvalarheimilis aldraðra á Dalvík og bjó þar til dauðadags, hann lést 26. nóvember 1984, og hvílir í Dalvíkurkirkjugarði. Á byggðasafninu Hvoli Dalvík, er sér herbergi tileinkað honum, þar sem munir hans eru geymdir t.d. reiðhjól, klæðnaður frá því hann var í fjölleikahúsum erlendis, skór, myndir og margir aðrir persónulegir munir hans. Það er virkilega þess virði að koma við á þessu byggðasafni og líta þar á þessa muni Jóhanns Svarfdælings, einnig er margt annað skemmtilegt að sjá t.d. Stofa Kristjáns Eldjárns (mynd af Jóhanni og Kristjáni) fyrrverandi forseta Íslands, stór uppstoppaður ísbjörn o.f.l.

 
 
  Framættir Jóhanns 10 ættliðir
Nánar um líf Jóhanns í 4 köflum
  Líf Jóhanns kafli 1.
  Líf Jóhanns kafli 2.
  Líf Jóhanns kafli 3.
  Líf Jóhanns kafli 4.
  Myndasíða Jóhanns
  Skírteini Jóhanns
  Skór Jóhanns
  Jóhann á Dalbæ
 

Frábærar myndir af Jóhanni

 
Sarasota Florida 1949 Ringling Bros circus 1948 El Paso Texas 1951
Sarasota Florida 1949 Ringling Bros circus 1948 World Of Mirth show 1950
Sarasota Florida 1950 Ringling Bros circus 1949 Cuba  1949
San Francisco  California Ringling Bros circus 1949 Köbenhavn 1937
San Francisco California New york 1948 Köbenhavn 1937

 

Hér er hægt að kaupa bókina um Robert Wadlow, einn stærsta mann heims

| Bakkabræður | | Dalvíkurskjálftinn || | Dalvík || Kærleiksvefur |

| Forsíða | Jólavefur |

 
Póstur
Júlíus Júlíusson