Grýla er þekkt sem flagð frá 13. öld , það er minnst á hana sem tröllkvendi í SnorraEddu, en það er ekki fyrr en á 17.-18 sem hún er bendluð við jólin og þá sem barnaæta. Í kvæðum og sögum af Grýlu þá hefur hún oftast ekki erindi sem erfiði og þarf alltaf að láta í minni pokann.Orðið sjálft merkir einna helst , ógn, hótun eða hryllingur. Fyrst fréttist af jólasveinum á 17. öld sem afkvæmi Grýlu og miklu illþýði. Þeir taka nokkuð að mildast á 19. öld, koma þá ýmist af fjöllum eða af hafi, eru oftast 9 eða 13. Spurnir eru af rúmlega sjötíu jólasveinanöfnum. Grýla er sá gestur jólanna sem er talinn hvað skelfilegastur. Hún er tröllkerling, sem heyrir í óþekkum börnum yfir holt og hæðir, skellir þeim í pokann sinn og þau enda svo í stóra pottinum hennar. Í mínum huga er Grýla alltaf með pokann á bakinu, tilbúinn ef heyrist í óþekkum krakka, hún er líka alltaf svöng, endalaust hungur sem hrjáir hana. Sumar lýsingar á Grýlu er svakalegar, jafnvel að hún sé marghöfða djöflakerling, (300) hausa og þrenn augu í hverju höfði hafi marga langa hala. 

 Hún hefur marga langa hala og hófa í stað fóta. Hún er geysistór með svakalegar hendur sem hún grípur óþekku börnin með og kartnögl á hverjum fingri. Hún hefur skögultennur sem ofnbrunnið grjót, mikið og bogið nef alsett vörtum. Hún hefur brennandi augnaráð, helblá augu í hnakkanum og geysigóða heyrn.“

Enn þann dag í dag er Grýla notuð á saklaus börnin ef þau eru ekki stillt eða hlýðin.

“ Nú fara Grýla og jólasveinarnir að fylgjast með – Það styttist í að það eigi að setja skóinn út í glugga, nú er eins gott fyrir ykkur að hlýða annars……! „

Eitthvað í þessum dúr heyrist á heimilum í dag…..eða hvað. Þó svo að sumir haldi að Grýla sé dauð… myndi ég taka þeim fréttum með varúð.