Uppáhalds jólaskraut

Margir eiga sitt uppáhalds jólaskraut sem geymir fallegar jólaminningar tengdum jólastundum, æskunni, fólki sem er fallið frá og svona mætti lengi telja. Hér geta allir sent inn mynd og texta um uppáhalds jólaskrautið. Gaman er að hafa það með stutta sögu, hvað er það gamalt eða eitthvað annað skemmtilegt.

Magnea Rún Magnúsdóttir Dalvík

Hér má sjá eitt af mínu uppáhalds jólaskrauti sem ég fékk í jólagjöf sem barn frá minni bestu vinkonu, sennilega í kring um árið 1998. Mamma hennar bjó þetta til en mögulega með aðstoð frá dótturinni. Þegar ég tek það uppúr kassanum fæ ég alltaf hlýtt í hjartað og hugsa til yndislegu æskuvinkonu minnar sem mér þykir alltaf svo vænt😀

Kristín Gísladóttir Vestmannaeyjum

Þetta er uppáhalds jólaskrautið mitt. Ég fékk hann í jólagjöf þegar ég var 12 ára svo hann er 51 árs. Hann er orðin ansi lúinn eins og sjá má á nebbanum hans sem er alveg að morkna af. Ég man því miður ekki frá hverjum ég fékk hann en hefur fylgt mér síðan og fer alltaf upp enda algerlega uppáhalds. Kveðja Stína Gísla.

Soffía Höskuldsdóttir Dalvík

Þessi litli sæti engill hefur fylgt mér frá því að ég var ung lítil stelpa. Ég hef alla tíð haldið upp á hann og passað hann. Amma mín Emma Ragnheiður Halldórsdóttir gaf mér þennan engill í jólagjöf þegar ég var lítil. Alltaf fannst mér allar gjafirnar frá ömmu úfa svo stórfenglegar því þær voru keyptar í REYKJAVÍK. Amma bjó í Reykjavík og við kölluðum hana amma úfa. Því þegar hún kom í heimsókn til okkar þá kom hún með flugvél. Kveðja Soffía Höskuldsdóttir

Sigríður Birgisdóttir Hörgársveit

Hér koma myndir af mínu uppáhalds. eldgamalt jólaskrauti sem ég fékk annars vegar frá ömmu og afa. Það eru þessir tveir sveinkar, þeir eru úr pressuðum pappamassa og þeir eru fisléttir.

Tröllskessan er úr stórum köngli og með þetta ofur grófa hár. Hún er líka eldgömul, hún kemur frá mömmu.

Ég veit ekki aldur á þessum hlutum, en örugglega margra tuga. Kveðja Siddý

Bacon ipsum dolor amet pork belly buffalo tri-tip doner beef cupim meatloaf sausage alcatra. Alcatra fatback meatball bresaola, pork chop swine rump pancetta ham pig pastrami burgdoggen pork belly short ribs porchetta. Pork turducken picanha, alcatra turkey ham salami jowl beef pork loin chicken bacon bresaola chislic ribeye. Beef biltong meatloaf drumstick, brisket porchetta jowl.