2 flök eða 800 gr af bleikju
2 appelsínur
4 msk laxa eða bleikjuhrogn
salt
pipar
sítrónuólífuolía.
Ferskur réttur á heitum sumardegi en jafnframt bjartsýnisaukandi og orkugefandi á dimmu janúar kvöldi.
Börkurinn rifinn fínt af annari appelsínunni en gróft af hinni. Bleikjan beinhreinsuð, skorin í litla bita c.a. 4 x 4 cm, velt upp úr olíu og fínt rifna berkinum, pipruð. Bitunum raðað í eldfast mót. Sett í ofn við180 gráðu hita í 6 mín. Örlitlu Maldon salti stráð yfir á eftir og látíð kólna. Appelsínur skornar í litla báta, bornar fram sér eða raðað með á diskinn. Bleikjunni raðað á diska, laxahrognunum dreipt yfir og skreytt með grófa berkinum.
Það má bera fram þessu ferskt salat t.d með melónu ef rétturinn er notaður sem aðalréttur en án salats eða með ferskum eplaskífum ef hann er notaður sem forréttur.
Ekki flýta þér ! Fiskur og nægur tími gefa af sér frábæra stund.
