Fundargerð Veðurklúbbs Dalbæjar 5. Desember 2023
Mætt voru: Þorgerður Sveinbjarnardóttir, Haukur Haraldsson, Bergur Þór Jónsson, Hörður Kristgeirsson, Magnús Gunnlaugsson, Jóna Jónsdóttir, Inga Sigurbjörg Sigurpálsdóttir, Þóra Jóna Finnsdóttir, Guðrún Ólafsdóttir og Ásgeir Stefánsson. Sigurlaug , Kristján Loftur Jónsson, Erla Tryggvadóttir og Guðrún Skarphéðinsdóttir.
Enn á ný gleðjumst við yfir veðrinu hérna og hárréttri niðurstöðu spár okkar fyrir Stór Dalvíkursvæðið núna í nóvember síðastliðnum.
Við getum svo vonandi glatt sem flesta með spá okkar fyrir desember/jólamánuðinum.
Við ræddum ýmsar leiðir leiðir til að spá fyrir um komandi veður mánuð, en niðurstaðan varð sú að tilfinning félaga fyrir mánuðinum og tunglkomur voru það sem við styðjumst við að þessu sinni.
Hvort tveggja vísar til þess að áframhald verði að mestu á þeim stillum og veðurblíðu hjá okkur á næstu vikum en líklegast bæti eitthvað í snjó þegar nær dregur jólum. Allavega nóg til að gleðja skíða og snjó útivistarfólk.
Nýtt tungl um miðjan mánuðinn vill vísa vindáttinni í framhaldinu að mestu í suðaustan eða austanátt. En við gerum ekki ráð fyrir neinum miklum veðrum þó það snjói eitthvað.
Aðventan er góður tími
Flytur oftast snjó og él
Á vélsleða ég áfram stími Og vonað ekkert brotní mél.
Því stundum hef ég lítið rými
Þó mér sýnist ganga vel
Því grjót í leyni við ég glími
Og gæti þurft að skiptum vél.
Höf. Bjór
Ort um þriðja janúar.
Skafrenningur nú um næðir
Norðlendinga alla
Flytur snjó um fjöll og hæðir
Freðmýrar og hjalla.
Höf. Hafsteinn Reykjalín Jóhannesson.
